Gara për Ese 2020
Data e Publikimit 17.04.2020
Programi “Përkrahje adoleshentëve pas mësimit të rregullt” i USAID, zbatuar nga Qendra për Arsim e Kosovës (KEC), në bashkëpunim me Fondacionin IPKO dhe SmartBits, ju fton të merni pjesë në garën për ese me temë:
“Përzgjedhja e karrierës sime – sfidat dhe mundësitë.”
Të drejtë konkurrimi kanë të gjithë nxënësit e klasave 10, 11 dhe 12 nga shkollat e mesme të larta të Kosovës.
Rregullat për kualifikim:
- Nxënësit e klasave 10, 11, dhe 12;
- Eseja të jetë origjinale, jo e kopjuar;
- Fjalori i përdorur të jetë miqësor dhe të mos ngjallë urrejtje;
- Eseja të jetë në formë elektronike (MS word); të shënohen të dhënat personale (emri, mbiemri, klasa, shkolla dhe vendi).
Kriteret për vlerësimin e shkrimit më të mirë:
- Kreativiteti (eseja përmban ide kreative dhe origjinale, e bën lexuesin të reflektojë dhe mendojë më tutje për temën): 30 pikë
- Rrjedhshmëria dhe kuptimi (eseja është e shtjelluar mirë, ka rrjedhshmëri, ndërlidhje me temën dhe kuptim për lexuesin): 20 pikë
- Struktura (ndarja e paragrafëve sipas praktikave të mira të shkrimit të eseve): 10 pikë
- Gramatika dhe drejtshkrimi: 10 pikë
- Fjalori i pasur (përdorimi i sinonimeve adekuate dhe gjuhës së pastër amtare): 10 pikë
- Numri i fjalëve (400-600 fjalë): 10 pikë
- Burimet (përdorimi dhe citimi i së paku dy burimeve të besueshme): 10 pikë.
Shpërblimet:
Të gjitha shkrimet të cilat i permbushin kriteret do të publikohen në busulla.com, ndërsa nxënësve fitues të pesë vendeve të para do t’u dhurohen kupona për blerje të librave në njërën nga libraritë e vendit:
-
Vendi i parë: kupon në vlerë prej 250€
-
Vendi i dytë: kupon në vlerë prej 200€
-
Vendi i tretë: kupon në vlerë prej 150€
-
Vendi i katërt: kupon në vlerë prej 100€
-
Vendi i pestë: kupon në vlerë prej 50€
Dorëzimi i eseve: Nxënësit dorëzojnë punimet në adresën: bkastrati@kec-ks.org
Afati i dorëzimit: deri më 30 prill 2020
